my DFA experience (PART I)

kahapon, buong umaga akong nasa DFA. pero ang sabi sa akin, maswerte nga ako at isang buong umaga lang ako nandon para mag process ng passport. yung iba, pabalik balik... kesyo mali ang requirements, kesyo mei kulang, kesyo di pwede...

laking pasasalamat ko na din sa kapatid kong si erica sa pagsama at pagtulong sa akin. siya na nagsabi kung ano ang mga kelangang kong dalhin, kung ano ang dapat na original at kung ano ang photocopy... kaya naman, kahit nangangapa ako sa dapat kong gawin, at least alam kong nandiyan sha para i-guide ako.

so ayun... by 7:30 ng umaga, nandun na kami sa DFA. grabe! na windang ako! pag baba pa lang namin ng jip, ang dami ng makukulit... di mo sila matatawag na fixer (mukhang di na uso yun dun kasi wala naman akong na encounter na nag aalok ng ganun) pero ganito ang modus operandi nila: karamihan sa kanila, maayos tingnan. mukhang kagalang galang... at hello... mei ID pa kunwari. pero ang gagawin nila, kukulitin (take note: hindi aalukin... KUKULITIN) ka na kumuha ka daw ng form dun sa tindahan (mei ituturo silang tindahan na nalaman kong dun pala sila nag ttrabaho o kasabwat nila yun) libre naman yung form. ang kaso, ang gagawin nila eh hihingiin na nila yung requirements mo tapos sila na ang mag didikit, mag sstapler, o mag ppaste. pag meron kang kulang na requirement, HULI KA NA! required ka ng sa kanila mag pa picture o magpa photocopy. na ganun ako eh... ang pangit tuloy ng pic ko. huhu... kainis! pero di ka naman mapapamahal kasi ganun din naman ang presyo pag sa loob ka ng DFA nagpa picture. yun nga lang, nakakaasar kasi nangungulit talaga sila at di ka nila titigilan kahit pa na hindi mo na sila pinapansin.

so anyway, by the time na natunton namin ang gate ng DFA eh kumpleto na ang requiements ko. unfortunately, bawal ang chaperon sa loob... so sa labas na lang nag hintay si erica..

STEP 1: Application Verification
pag dating ko sa gym, parang gusto kong himatayin. yung pila eh 10,000 times ang ikot... LITERAL. ganun kadaming tao ang gustong umalis ng pinas. kaya pag pasok ko sa loob, pumila na agad ako. nawala sa isip ko na hindi pa pala ako nag aalmusal. pero cge bahala na... sana maka survive ako sa mahabang pila na ito na nakatayo na mahaba na wala pang almusal. imbyerna pa yung mga babaeng nakapila sa harap at likod ko. yung nasa harap, kwento ng kwento. eh naka MP3 player ako... haaay naku... hinayaan ko na lang sha magsalita ng magsalita. wala ni isa sa sinabi niya ang narinig ko. hindi naman ako interesado kung bakit sha kukuha ng passport eh. yung babae naman sa likod ko, either binubunggo ako o tinatapakan yung sandals ko. muntikan ko na ngang i-confront at sabihing "miss mei problema ka ba sakin?" hehehe... pero hinayaan ko na lang... wala pa naman akong samud makipag away..

so anyway, natapos ako sa STEP 1 ng mga 10 a.m. dalawang oras din ako dun...

STEP 2: Requirements Verification
pag dating sa step 2, akala ko ok na... akala ko medyo nabawasan na ang pila. aba! susme... ganun pa rin kadami ang tao.. pero compared to step 1, mas mabilis na dito kasi 20 windows na ang gumagana. by this time, iba na ang katabi ko sa pila. babae pa rin pero mas bata sa akin. at least sha matino compared dun sa unang dalawang nakasabay ko. hahaha...

by this time, nahihilo na ako. pagod na kase ako tapos dipa din ako kumakain. sinabayan pa ng naiihi. dko naman maiwan yung pwesto ko kasi walang mag ssave or papalit sa akin. kaya tiniis ko na lang.

wala naman masyadong gagawin dito. titingnan lang kung tama yung mga requirements na dala mo. kung mei mali, dun ka na magkaka problema. sa malamang, pabalik balik ka dito hanggat di tama o mei kulang ka. buti na lang, walang naging problema sa akin. mabait din ang natapat na taong nag verify sa requirements ko. nag chikahan pala nga kami eh. pero ang ibig sabihin pala nun eh interview. hahaha... nag tanong sha kung san ako ng ttrabaho, kung ano trabaho ko, kung ano ginagawa ko, etc.

STEP 3: Cashier
pag na clear ka sa step 2, tatanungin ka kung kelan mo gusto makuha yung passport mo. merong 750 na makukuha mo within... nakalimutan ko na.. hahaha... pero ang pinili ko eh yung 500 pesos na makukuha ko by march 10 (14 days yun). tapos bayad ka na dito... walang pila dito kaya wala pang 5 minutes tapos na ako sa cashier

STEP 4: Thumbmark
sa loob to ng auditorium nila. katulad sa step 3, wala na din masyadong pila dito. pero bago ako pumunta sa auditorium, umihi muna ako. hahaha... kawawa naman pantog ko eh. pero dpa din ako kumain. kasi sabi ni erica saglit na lang naman to. so ayun...

paglabas ko ng auditorium, mdami pa din tao sa step 2. maswerte talaga ako nitong araw na to kasi nakaabot ako ng cut-off... opo mei cut off sila. siguro mei certain number of applicants lang silang prinoprocess per day. mei mga nakita kasi akong di umabot ng cut off. ang ginawa sa kanila, binigyan na lang sila ng appointment date. yun yung araw kung kelan sila pwedeng bumalik at mag asikaso ng application nila. buti na lang at sinabi saken ni jp at reuel na mei cut off :)

sa lahat ng mag aasikaso ng passport nila, i suggest na agahan niyo ang punta. kahit alas sais nandon na kayo. at least madali din kayo matatapos. tapos, wag niyo kong gayahin na pumunta dun ng hindi kumakain ng breakfast. heavy breakfast ang kelangan niyo dun. hahaha... wag niyo din papansinin yung mga nangungulit sa inyo sa labas. kahit pa naka ID sila. as in HUWAG NIYONG PAPANSININ... dumiretso na alng kayo sa loob dahil lahat ng kekelanganin niyo eh nandun din naman. wag din kayo maniniwala pag mei nagsabi sa inyo sa labas ng kelangan niyo ng affidavit. hanggat di sinasabi sa loob na kelangan niyo yun, wag kayong kukuha nun. mei nakasabay ako na naloko eh. sabi daw sa kanya kelangan niya ng affidavit so kumuha sha at nagbayad ng 150. pag dating sa loob, sabi sa kanya eh di naman daw kelangan nun. sayang tuloy yung 150 niya :(... at lastly, siguraduhing kumpleto na kayo sa requirements :D

so ayun... by march 10 pwede na akong umalis ng Pilipinas. yey! :D